Ang dakilang bayan sa silangan pinagmamsdan,
Karikitan ng kanayunan, lahat hinahangaan
Mga bundok at batis, maging mga kabukiran
Lahat napapahawak kamay kapag napapagmasdan
Ang dakilang bayan, sa dagat pulo pulo
Malalaki,t maliliit ang pagkakabuo
Dalampasigan, buhanginan at mga bato
Lahat namamangha sa gandang taglay nito
Ang dakilang bayan gamit na wika binubuo
Nang maraming wikang ginamit pa ng mga katutubo
Iloko, Pangasinense, Tagalog, Pampanggo,
Waray, Ilonggo, Bisaya, at chabakano
Ang dakilang bayan, magigiting yaring mamamayan
Una nang ipinamalas ng mga katutubong nakipaglaban
Si lapu lapu sa Mactan, Si Sulayman sa Kamaynilaan
Maging ang mga Muslim sa may kahilagaan
Anu't ano nagkakagulo sa dakilang bayan
Mga mamamayan nito, tila di nagkakaunawaan
Hidwaan kabi-kabila ang pinagsisigawan
Unti unting nilulusaw kanyang kaningningan
Lubhang nakalulungkot ang mga pangyayari
Sa dakilang bayan na dinadakila parati
Nagkakagulo, di nagkakasundo yaring mga dai
Dahil sa kapangyarihang, lahat ibig mamithi
Kailan kaya maiisip ng kanyang mga dai
Ang kanilang paninira sa bayan ng mga lakambini
Upang madakila muli di lamang ng sakop na lahi
Kundi maging ibang lipi dito muli mabighani
Sana di pa huli ang ibangon pang muli
Ang magawang dakila, ang bayang pinupuri
Katulad ng perlas sa dagat, sa kanya ay itinaguri
Nang mga magigiting mapagmahal nating mga bayani
Sana di pa mahuli, ang ibalik ito sa dati
Na kilala't dinadakila, pati ng ibang lipi
Maisip at magawang muli, ng kanyang mga dai
Kagandahan at kaunlaran nitong bayang itinatangi
Subscribe to:
Post Comments (Atom)
No comments:
Post a Comment