Ako'y napaluha ng ang aking nanay ay iwan ko
Upang sa kabilang ibayo, ako'y magtrabaho
Kay sakit pala ang ganitong yaring tagpo
Ang iwanan ang nanay lumuluha sa iyong paglayo.
Hawak yaring mga kamay habang ako'y pinagmamasdan
Umuusal ng dasal para sa aking kaligtasan
Batid niyang di gawang biro aking patutunguhan.
Dalangin sa Poong Maykapal tanging nalalaman
Huwag kang lumuha aking nanay
Anak na lilisan dala iyong pagmamahal na tunay
Sa inyong mga turo at pinamalas na paggabay
Makaasa kayong mabubuhay akong matiwasay
Aking Nanay, kailanman di kita malilimutan
Ako ay babalik upang ikaw ay aking muling mahalikan
At ang aking mga tagumpay na pinagsusumikapan
Ay ihahandog sa iyo aking dakilang Nanay.
Subscribe to:
Post Comments (Atom)
No comments:
Post a Comment