KAKALUNGKOT, KAKAHIYA, HUWAG NAMAN SANA...

Nakakalungkot na kung saan manggagaling ang katagang "NO TO PAPAL VISIT" sa isang alagad ng simbahan may mataas pang katungkulan sa simbahang Katoliko. Lubhang nakakalungkot... at nakakabahala, dahil lamang sa disgusto sa kasalukuyang pamahalaan, pati ang usaping pampapalakas sa pananampalatya ng mga Pilipino ay kanya ding hinahadlangan.
lubha akong nalungkot sa pakikihalubilo ng mga alagad ng simbahan sa usaping pampamahaalaan, Batid ko na may karapatan silang makihalubilo bilang isang mamamayang Pilipino, pero dapat din sana nilang isipin na ang kanilang ginagalawan ay naiiba sa usaping pampamahalaan. OO di nila dapat hayaan ang kanilang nasasakupang na mapunta sa kapangyarihan ng dilim. Kung ang Pamahalaang Arroyo sa kanyang pananaw ay nababalutan ng dilim, marapat na hatakin niya ito sa liwanag hindi yaong tuluyan niyang wag nang bigyan ng liwanag. Siguro nakalimutan na ng alagad ng simbahan na si Kristo na ating Dakilang Diyos ay pumunta sa lupa hindi para sa mabubuti kundi para sa mga makasalanan. Maging ang butihing pastol, di niya inaalaala na mawala ang siyamnaput siyam na kanyang alagang tupa, upang hanapin lamang ang nawawalang isa. Ito dapat ang pakatandaan ng alagad ng simbahan, hindi yaong itulak lalo sa dilim ang nawawalang mananampalataya at idawit pa ang iba ng dahil lamang sa disgusto sa kasalukuyang pamahalaan. Nakakalungkot...nakakahiya
Dapat sana ay tumulong siya kung paano masasagip ang pamahalaan maging ang mga mamayan sa nalulusaw na pnanampaalataya ng mga Pilipino ngunit sa halip ay nagiging balakid pa ito sa pagpapalakas ng pananampalataya. Nakakahiya...
Ako ay isang katoliko, na ang tanging pangarap ko ay ang madala ko ang nanay ko sa Vatican, upang sa gayon bago man lamang siya pumanaw ay kanyang marating ang Banal na lugar na pinili ng Diyos at masilayan ng personal ang pinaka alagad ng simbahang Katoliko ang Banal na Papa. Na kahit paano ay makakadagdag ako sa malakas na pananampalataya ng Nanay ko sa Diyos at sa simbahang katoliko...Ngunit ng mabasa ko ang balita na kung saan ang isang alagad ng simbahan at mabasa ko ang kanyang sinulat ako ay nabahala...
Huwag naman sana... at lalo sigurong mabuti ay huwag ng makihalubilo sa usaping pampamahalaan, sapagkat nagiging bulag na din siya sa pag akay sa liwanag sa mga nalulusaw na pananampalataya ng mga Pilipino sa Diyos na makapangyarihan sa lahat.
huwag na po sana... kakalungkot...kakahiya...